Isa sa mga nagbigay ingay agad sa mundo ng showbiz noong pagbungad ng taong 2020 ay ang hiwalayang Nadine Lustre at James Reid, o mas kilala nga on-screen bilang ang tambalang “JaDine”. Ang balita ngang ito ay talaga naman ikinalungkot ng kanilang maraming mga tagahanga.
Ngunit, sa kabila ng naging balitang hiwalayan ng dating magkarelasyon, ay madalas pa ring nakikita na nagkakasama ang dalawa, lalo na sa mga okasyon ng kanilang mga pamilya o di kaya naman ay mga kaibigan, dahilan upang muling isipin ng lahat na ang dalawa ay nagkabalikan na.
Mas tumibay pa nga ang hinala ng publiko na nagkabalikan na sina James at Nadine, ng ilang mga larawan ng dalawa ang lumabas sa social media nito lamang nakaraang ika-5 ng Enero 2021, kung saan ay namataan na magkasamang nagha-hiking ang dalawa, kasama ang ilan nilang mga kaibigan.
Makikita nga sa Instagram ni James ang naging pagbabahagi ng aktor ng mga kuhang video at larawan sa kanilang naging masayang adventure, ilang araw lamang matapos salubungin ang Bagong Taon. Wala namang anumang detalyeng isinaad ang aktor, kung saan ang lokasyon ng naging hiking nilang ito.
Maging ang kaibigan nina James at Nadine na si Jericko Tan, ay nagbahagi rin sa Instagram nito ng mga larawan at video nilang magkakaibigan.
Sa mga larawan ngang ito, ay kapansin-pansin na sa kabila ng magkasama sa isang grupo sina James at Nadine, ay malayo naman ang distansya nila sa isa’t isa. Nakaupo sa kabilang dulo ng isang bato si James, at sa kabilang dulo naman si Nadine na nakaupo at naka-peace sign sa kamera.
Ang kasama nga nina James at Nadine sa naging hiking nilang ito, ay ang kanilang mga kaibigan at kasamahan sa Careless Music Manila na sina COO Jericko Tan, director Lox Valiente, at ang Filipino/Canadian entrepreneur na si Luke Thorssen.
Matatandaan na noong nakaraang taon rin ay nag-hiking din sina James at Nadine, ng akyatin nila ang Mt. Ulap sa Itogon, Benguet.
Samantala, sa naging ulat ng PEP. Ph noong ika-5 ng Enero, ay isinaad nito na nagkabalikan na umano ang dating magkarelasyong sina James at Nadine, at ang balita ngang ito, ay nagmula umano sa isa nilang source na malapit sa dalawa. Nagkabalikan umano ang dalawa sa gitna ng pandemya.
Hindi na rin umano itinuloy pa ni James, ang pagbebenta sa bahay niya na matatagpuan sa Loyola Grand Villas sa Quezon City, kung saan ang bahay na ito ang aging “love nest” nila noon ni Nadine.
View this post on Instagram
Ika-11 ng Mayo taong 2020 ng magsimulang pag-usapan ang pagbabalikan umano nina James at Nadine, ito ay matapos mag-post ng aktres ng kanyang pagbati para sa ika-27th birthday ng aktor at kalakip nito ay ang larawan na kasama niya ito.
Sa kabila naman ng marami ng mga haka-haka patungkol sa pagbabalikan ng dalawa, hanggang ngayon naman ay hindi pa rin naglalabas ng kanilang pahayag sina James at Nadine sa tunay na estado ng relasyon nila.
Source: Famous Trends
0 (mga) komento:
Mag-post ng isang Komento