Online Registration Para sa National ID, Magsisimula Na Ngayong April 30

Isang magandang balita para sa mga hindi pa nakakapag apply at nagbabalak palang na mag parehistro sa National ID. Ngayong April 30, Friday ay sisimulan na ang online registration para sa National ID System. Ayon ito sa NEDA o National Economic and Development Authority.

Ayon kay Acting Socioeconomic Planning Secretary na si Karl Kendrick T. Chua, Ang nasabing National ID ay makaktulong upang mapadali ang transaksyon sa gobyerno at Negosyo.

“Isa sa layunin ng National ID ang pagbigay access sa serbisyong pinansyal na kadalasang nahahadlangan ng kawalan ng valid ID… Inaasahan din natin na sa pamamagitan ng National ID mapapadali ang mga transaksyon sa gobyerno at Negosyo”

Matatandaan din na nito lamang nakaraan Marso ay hinihikayat ng Pangulong Rodrigo Duterte ang mga Pilipino na bigyan ng atensyon ang pagpaparehistro o pagkuha ng National ID System. Dahil umana, malaking ginhawa ang maidudulot nito.

Bagamat magiging online na ang registration ng National ID, kinakailangan pa din umano na pumunta sa registration centers ng mga aplikante para makapag bigay o makunan ng biometrics. Dagdag pa dito ay kinakailangan na magbukas din ng bank account kung wala pa ang mga ito.

Ang pagbubukas ng online portal registration na ito ay makakatulong upang makakuha ang demograpgic data ng mga nag nanais na mag-apply ng National ID.

Makakatulong umano ito upang mas mapabilis ang vaccination program, pamamahagi ng ayuda at ito din ay makakatulong o makakapag bigay daan upang makapag bukas ng bank account ang mga pamilya sa bansa na kasama sa tinatawag na “low-income families”.

Sa ngayon, ayon sa Philippines Statistic Authority (PSA) umabot na sa 17 milyong Pilipino ang nakatapos na sa Step 1 ng registration nito lamang unang quarter sa taong 2021.

Ayon naman kay PSA, target ng mga ito na makapag parehistro ng nasa 70 milyong mamayan bago matapos ang taong 2021. Dagdag pa dito, ayon naman kay PSA Asec.Rose Bautista, ang paglilimbag sa National ID ay magsisimula na sa darating na buwan ng Mayo.

Share on Google Plus

About woke

This is a short description in the author block about the author. You edit it by entering text in the "Biographical Info" field in the user admin panel.