Isa sa mga hinangaan at pinakamagagaling na rapper na sumikat at naging popular sa ating bansa ay ang yumao ng si Francis Magalona o mas nakilala ng marami sa atin bilang si Francis M.
Tunay ngang hinangaan siya ng maraming Pinoy hindi lamang dahil sa pagkakaroon niya ng karisma at gwapong mukha, kundi dahil sa talagang kakaiba ang talentong kanyang taglay lalo na sa paggawa ng mga musika na may rap.
Naging masakit sa maraming mga tagahanga ni Francis M. ang kanyang maagang pagkawala. Ngunit magkaganon man ay nanatili pa rin siyang nakatatak sa bawat puso at isipan ng mga humahanga sa kanya, dahil sa mga magagandang awitin na naiwan niya. Hindi rin basta-basta malilimutan si Francis M. dahil makikita natin sa kanyang pamilya, lalo na sa kanyang mga anak ang mga katangian na mayroon siya.
Ang pamilyang naiwan ni Francis M. sa kanyang maagang pamamalam ay ang kanyang asawang si Pia, at kanilang walong anak na sina Maxene, Saab, Elmo, Frank, Unna, Nicolo, Clara at ang bunsong si Arkin.
Makikita nga sa mga anak nina Francis M. at Pia, na namana ng mga ito ang mga katangian na mayroon ang kanilang mga magulang, at maging ang talento ni Francis ay namana ng kanyang mga anak na tulad nina Maxene at Elmo, na parehong nasa industriya ng showbiz ngayon.
Ngunit alam niyo ba na hindi lamang nga ang dalawang anak na ito ni Francis M. ang may magandang hinaharap sa pag-aartista, dahil maging ang bunsong anak nito na si Arkin Magalona, ay may taglay na artistahin looks rin na tulad ng kanyang ama at mga kapatid.
Ngayong taong nga ay tutongtong na sa kanyang ika-21 taong gulang si Arkin, at makikita sa binatilyo ang taglay nitong gandang lalaki habang siya ay nagbibinata. Maliban pa nga sa gwapong mukha, ay mas naipapakita na rin ng binata ang kanyang tinatagong galing sa pag-hosting at pag-rap na kung saan ay batid natin na ang talentong ito ay namana niya sa kanyang ama.
Matatandaan na noong taong 2013, ay pinatunayan at ipinakita ni Arkin na bilang anak ni Francis M. ay taglay niya rin ang talento na mayroon ang ama ito ay matapos niyang mag-host sa “Tan Galing Mo Kid.”
Source: Famous Trends
0 (mga) komento:
Mag-post ng isang Komento