Nasaan Na Nga Ba Ang Mga 'Pantasya Ng Bayan' Noong 90's Hanggang Early 2000's?

Sa mundo ng showbiz, hindi maipagkakaila na maraming mga celebrities na dumadating at lumilisan din.

Kahit pa man ang ilan ay hindi nakakatanggap ng maraming mga awards at pagkilala, marami pa din ang proud sa ipinakita nilang pagganap sa bawat role na kanilang ginampanan, ito man ay teleserye o di kaya ay pelikula.

Kilalanin natin ang mga kilalang sexy stars noong 90's hanggang early 2000's.

1. Priscilla Almeda

Si Priscilla Almeda ay isa sa mga kilalang sexy stars noon na gumanap sa mga sexy films katulad ng 'Sabik Sa Halik' (1995), 'Sariwa' (1996), 'Tukso Layuan Mo Ako 2' (1996), 'Sutla' (1999), at 'Syota ng Bayan' (2001)'.

Matapos lisanin ang showbiz industry, siya ay nanirahan sa Alberta, Canada kasama ang kaniyang pamilya. Siya ngayon ay isa ng ina ng tatlong magagandang babae. Bago manatili sa Canada, nagtrabaho muna si Priscilla bilang isang waitress sa isang restaurant na kung tawagin ay 'Pon-Yo' sa Japan.

2. Aleck Bovick

Si Aleck Bovick ay gumanap sa ilang mga sexy films katyulad ng 'Tampisaw' (2022), 'Masarap Na Pugad' (2002), at 'Naglalayag' (2004).

Nagdesisyon si Aleck na magpahinga muna sa kaniyang showbiz career taong 2007 matapos niyang isilang ang kaniyang anak na lalaki sa actor-producer na si Carlo Maceda.

3. Ynez Veneracion

Si Ynez Veneracion ay naging kilala para sa kaniyang role sa ilang mga sexy films katulad ng 'Sa Paraiso ni Efren' (1999), at 'Alindog ni Barbara' (1999). 

Hanggang ngayon ay aktibo pa din si Ynez sa showbiz industry at gumagawa pa din ng ilang proyekto sa ABS-CBN at GMA-7. Ang huling teleserye na ginampanan ni Ynez ay ang 'The Greatest Love' na inere sa telebisyon noong 2016. Siya ay naging bahagi din ng pelikula na 'Jesusa' noong 2019.

4. Belinda Bright

Si Belinda Bright naman ay gumanap sa mga sexy films katulad ng 'Ssshhh... She Walks By Night' (2003) at 'Ang Kapitbahay' (2003).

Sa ngayon ay hindi na aktibo si Belinda sa showbiz at maging sa social media. Ngunit, ayon sa ilang mga balita ay nagtatrabaho umano ito bilang flight attendant sa Qatar Airways.

5. Joyce Jimenez

Si Joyce Jimenez o Joyce Herrin Reintegrado-Egbalic sa tunay na buhay ay isang American-born Filipino actress na gumanap sa ilang mga pelikula sa bansa. Siya ay mas nakilala para sa kaniyang role sa mga sexy films gaya ng 'Scorpio Nights 2' (1999), 'Warat' (1999), 'Narinig Mo Ba Ang Latest?' (2001), at 'Ano Bang Meron Ka?' (2001).

6. Klaudia Koronel

Si Milfe Dacula o mas kilala sa kaniyang stage name na Klaudia Koronel ay isa sa mga kilalang aktres noon. Siya ay gumanap sa mga sexy films tulad ng 'Pisil' (1998), 'Anakan Mo Ako' (1999)', 'Toro' (2001), at 'Tuhog' (2001).

Sa ngayon ay abala si Klaudia sa mga international activities ng Iglesia Ni Kristo.

7. Natasha Ledesma

Si Natasha Ledesma ay naging kilala sa kaniyang mga sexy films gaya ng 'Sabik sa Halik' (1996), 'Kaliwa't Kanan, Sakit Ng Katawan' (1997), 'S.E.L.D.A' (2002), at 'Durugin ang dr-ga' (2017).

Matapos ang kaniyang sexy stints sa showbiz industry, napagpasyahan ni Natasha na magpahinga muna ngunit siya ay bumalik din kinalaunan para sa mga serious roles. Siya ngayon ay host na ng public service channel na UNTV.

8. Maui Taylor

Si Maui Taylor ay isang model, singer, at aktres. Siya ay nakilala sa pagganap sa mga sexy films kagaya ng 'Gamitan' (2002), 'S-x Drive' (2003), 'Ang Huling Birhen Sa Lupa' (2003), at 'Torotot' (2008).

Sa ngayon ay abala na si Maui sa paggawa ng mga video sa kaniyang YouTube channel.

Share on Google Plus

About woke

This is a short description in the author block about the author. You edit it by entering text in the "Biographical Info" field in the user admin panel.