Isa ka ba sa mga masugid na manonood noon ng ABS-CBN talent search program na “Star Circle Quest”, kung isa ka nga, marahil at natatandaan mo pa si Hero Angeles, ang gwapong binatang nagwagi noon sa nasabing programa.
Tulad ng ibang mga lumahok sa isang talent search, matapos ang naging pagwawagi ni Hero sa Star Circle Quest ay nagbukas sa kanya ang mundo ng showbiz. Dito nagsimula ang kanyang karera bilang isang aktor, kung saan ay nabigyan nga siya ng mga proyekto.
Ilang taon pa nga lamang sa kanyang showbiz career si Hero, ay bigla na lamang itong naglaho at hindi na nga napanood pa sa anumang proyekto o programa sa telebisyon. Ito nga ay ipinagtaka ng kanyang mga tagahanga, kaya naman marami sa kanila ang nagnanais na malaman kung nasaan na nga ba ngayon ang dating aktor, at ano na ang tinatahak nitong buhay.
Para nga sa ibang mga dating katrabaho ni Hero sa showbiz, ay isang mabait, magpagbigay na tao si Hero. Ang iba naman ay sinabi na ang aktor, ay isang personalidad na “willing” magbahagi at magturo sa iba ng kanyang talento.
Kamakailan nga lamang ay may isang video na mapapanood sa YouTube Channel Artista Update, kung saan ay nagkaroon nga ng isang ekslusibong panayam sa dating aktor na si Hero Angeles. Sa nasabing panayam ay ibinahagi ni Hero ang kanyang naging buhay noong siya ay artista pa at ang kasalukuyang pamumuhay niya ngayon.
Taong 2004 ng magwagi si Hero Angeles sa talent search na Star Circle Quest, sa parehong taon din nag-umpisa ang kanyang karera bilang isang artista. Mas lalo pa ngang naging matunog ang kanyang pangalan ng maging katambal niya ang dating ring aktres na si Sandra Park.
Agad ngang tinangkilik ng publiko ang tambalan ng dalawa, lalo na’t talaga namang marami ang kinikilig sa kanilang ‘chemistry’. Ilan sa mga pelikula nila na nagbigay kilig sa maraming mga manonood, ay ang “Can This Be Love” at “Bcuz Of You.”
Nagdesisyon huminto si Hero sa pag-aartista ng matapos ang kanyang kontara sa ABS-CBN, samantala ang naging katambal naman niyang si Sandara Park ay nagbalik sa bansang Korea kung saan talaga ito naninirahan.
Matatandaan naman na muling nasilayan ng publiko si Hero sa telebisyon noong taong 2008, kung saan ay napabilang nga siya sa programa ng GMA-7 na “Luna Mystica” at “Dyesebel.” Doon na nga lumabas ang ulat na ang dating Kapamilya actor, ay lumipat na sa GMA network.
Sa kabila naman ng naging paglipat ni Hero ng network, ay hindi na rin naman ito ng fulltime sa pag-aartista. Ibinahagi naman niya, na kaya mangilan-ngilan lamang ang mga proyektong kinatatampukan niya ngayon ay dahil mas binibigyan nga niyang oras ang kanyang pagiging isang pintor.
Ayon nga kay Hero, sa kasalukuyan ay mas marami siyang oras sa pag-guhit at pagpinta, ito ay dahil sa noon pa mang bata siya ay ito na talaga pangarap niya. Ngayon nga ay unti-unti na siyang nagiging matagumpay sa larangan na talagang gusto niya.
Source: Famous Trends
0 (mga) komento:
Mag-post ng isang Komento