Kamakailan lamang ay masayang ipinasilip ng singer-actress na si Zsa Zsa Padilla sa publiko ang kanilang tahanan ng partner niyang si Conrad Onglao.
Masasabi na talaga namang nakamamangha ang tahanan ng dalawa, dahil maliban sa laki at lawak nito, ay napakaganda pa ng estraktura at disenyo nito mapaloob o labas man. Mahahalintulad pa nga ang disenyo ng tahanan na ito nina Zsa Zsa at Conrad sa mga magagandang tahanan na tulad ng mga nakikita natin sa ibang bansa.
Ang napakagandang tahanan nina Zsa Zsa at Conrad ay matatagpuan sa isang eklusibong subdibisyon sa lungsod ng Makati.
Talaga namang napakalaki ng kanilang tahanan dahil sa ito ay mayroong tatlong palapag. Agaw-pansin naman ang napakagandang disenyo nito, na mismong si Conrad ang gumawa, sapagkat siya ay isa sa mga mahusay at kilalang arkitekto.
Ang tatlong palapag na tahanan na ito nina Zsa Zsa ay nakukulayan ng puti, at halos ang kabuuan nga nito ay napapalibutan ng mga glass window, na siyang nagbibigay ng natural na liwanag dito.
Hindi lamang ang mismong tahanan nina Zsa Zsa ang maganda sa paningin ng bawat makakakita dito, sapagkat kahit ang bakuran nito ay nakakarelaks din sa mga mata, dahil sa mga luntiang puno at pananim na nakapalibot sa naturang bahay. Kapansin-pansin din ang hindi paglalagay ng gate nina Zsa-Zsa at Conrad.
Tila nga naman isang mall kung titignan ang tahanan ng dalawa, sapagkat maliban sa magandang disenyo nito at pagiging malawak, ay mayroon pa itong elevator sa loob.
Ibinahagi naman nina Zsa Zsa at Conrad, na kahit may elevator sa loob ng kanilang tahanan, ay mas madalas pa rin na hagdan ang kanilang ginagamit kapag nagtutungo sila sa iba’t ibang palapag nito. Ito ay dahil sa ang pag akyat-panaog, ay siya rin nilang nagsisilbing ehersisyong dalawa.
Mas lalo pa ngang naging malawak at maaaliwalas tingnan ang mala-mansyong tahanan nina zsa Zsa at Conrad dahil sa pagkakaroon nito ng high ceiling. Mababakas din ang karangyaan ng mag-partner dahil sa mga mamahaling kagamitan na nasa loob ng kanilang tahanan.
Kilala si Zsa Zsa Padilla bilang isa sa mga mahuhusay na aktres at mang-aawit sa industriya ng showbiz. Siya din ang pinakamatagal na nakarelasyon ng yumaong Comedy King na si Dolphy. Ang ngayon nga na karelasyon at katuwang sa buhay ni Zsa Zsa ay si Conrad Onglao, na kilala naman bilang isang mahusay na arkitekto.
Source: Famous Trends
0 (mga) komento:
Mag-post ng isang Komento