Noong dekada 80 ay talaga namang maraming mga pelikula at teleserye ang puno ng bakbakan at aksyon, kaya naman maraming mga aktor ang nakilala at talaga namang umusbong ang karera dahil sa pagpapamalas nila ng kanilang husay at galing bilang mga ‘action star’, kagaya na nga lamang ng gwapong aktor na si Jestoni Alarcon.
Si Jestoni Alarcon ay isa sa mga mahuhusay na action star na talaga namang kinahuhumalingan noon ng maraming mga kababaihan. Dahil sa kanyang pagiging isang mahusay na actor, idagdag pa nga karisma at kagwapuhang taglay niya, ay kaliwa’t kanan nga ang kanyang mga naging proyekto mapa-pelikula man o telebisyon.
Sa kasalukuynan ay aktibo pa rin s Jestoni sa pag-aartista, ngunit kanya na ring pinasok ang pulitika. Matatandaan na noong Halalan 2019 ay nagwagi siya, kaya naman hanggang ngayon ay nanunungkulan pa rin siya bilang Board Member sa unang District ng Rizal.
Pagdating naman sa buhay pamilya, ay mayroong napakagandang pamilya si Jestoni Alarcon. Ang kanyang asawang si Lizette ay isang napaka-supportive na misis sa kanya, at sila nga ay may tatlong anak na puro mga nasa tamang edad na, ito nga ay sina Jessica, Anthony at Angela Alarcon.
Sa tatlong anak ng ani Jestoni, ay mayroong sumunod sa kanyang yapak at pumasok rin sa mundo ng showbiz. ito nga ay ang anak niyang si Angela Alarcon, na ngayon ay agaw-pansin dahil sa angkin nitong kagandahan at karisma.
Hindi nga lamang kagandahan ang maipagmamalaki ni Angela, dahil pagdating sa pag-arte ay may ibubuga rin siya. Una niyang ipinamalas ang husay sa pag-arte ng siya ay maging parte ng teleseryeng “Babawiin Ko ang Lahat”.
Ilang mga episodes din sa “Magpakailanman” ang kanyang kinabilangan, at isa na nga rito ay ang naging pag-ganap niya bilang si Leila sa isang episode nito kung saan ito nga umano ang kanyang naging kauna-unahang lead role.
Hinangaan pa nga lalo ang dalagang anak ni Jestoni Alarcon na si Angela matapos mapag-alaman ng mga netizens na bago pa man ito sumabak sa pag-aartista at nakapagtapos na ito ng kanyang pag-aaral. Nakapagtapos bilang isang Cum Laude sa University of the Philippines si Angela sa kursong Speech Communication.
Sa kabila naman ng nagsisimula pa lamang sa kanyang ‘showbiz career’ si Angela, ay marami na sa mga sumusuporta sa kanya ang umaasa na tatamasain din niya ang kasikatan na tinamasa noon ng kanyang amang si Jestoni, nu’ng kapanahunan nga nito.
Source: Famous Trends
0 (mga) komento:
Mag-post ng isang Komento