Magmula ng ilantad ng aktres na si Bea Alonzo at aktor na si Dominique Roque ang kanilang relasyon sa publiko, ay isa na nga sila sa mga celebrity couple ngayon na talaga namang kinakikiligan at sinusubaybayan ng marami nilang mga tagahanga.
Samantala, kamakailan nga lamang ay nagpakilig sa marami nilang mga tagahanga ang celebrity couple, ito nga ay matapos nilang gawin ang “Not My Hand Challenge” na naganap sa mismong kusina ng bahay ng aktres.
Batid ng maraming mga tagahanga ni Bea na ang aktres ay talaga namang mahilig sa pagluluto, at sa mga nauna na ngang vlog niya ay ilang beses na rin niyang ipinamalas ang husay niya sa pagluto. Kaya naman upang mas maging kaaliw-aliw ang bagong vlog ni Bea patungkol sa pagluluto, ay minabuti nga niyang lagyan ito ng ‘twist’, kung saan ay kilig at aliw ang talaga namang naging dulot nito sa marami niyang mga tagasubaybay.
Sa “Not My Hand Challenge” nga na ito na ginawa nina Bea at Dominic, ay makikita ang naging pagluluto nila ng isang ‘French toast’, kung saan ay naging challenging ito, dahil gagawin nila ito na hindi gagamitin ang sarili nilang kamay, kundi gamit ang kamay ng kanilang kapareha na siya ngang magsisilbi nilang kamay at ito ay susunod lamang sa kung ano ang kanyang sasabihin.
Una ngang si Bea ang gagawa ng French toast, at ang kanya ngang magiging kamay ay ang kamay ng nobyo niyang si Dominic. Naging kapansin-pansin nga na nahirapan ang aktor sa paggalaw at magsilbing kamay ng nobya habang siya nga ay nasa likuran nito.
Nang si Dominic na nga ang gagawa ng kanyang bersyon ng French toast ay si Bea na ang nasa likuran niya at ito na naman nga ang nagsilbi niyang kamay. Dahil sa mas kabisado na nga ng aktres ang pagluluto at kanyang ginagawa ay hindi siya ganung nahirapan.
Video Credit: Bea Alonzo/YouTube
Aminado naman si Dominic na nahirapan siya kumpara sa nobya, dahil hindi siya nagluluto at madalas na assistant lamang siya sa kusina. Dahil sa malilikot na kilos ng magkasintahan habang ginagawa ang challenge, ay napuno nga ng tawanan ang kanilang vlog.
Kahit naman hindi madali ang challenge na kanilang ginawa, ay mababakas naman kana Bea at Dominic na nag-enjoy sila sa ginawa nilang challenge. Marami namang mga netizens ang talagang kinilig sa magkasintahan sa vlog nilang ito, dahil sa ka-sweetan nila.
Source: Famous Trends
0 (mga) komento:
Mag-post ng isang Komento