Sa panahon ngayon ay nauuso na ang gender reveal party, kung saan ito ay isang uri ng pagtitipon para sa isang ina na nagdadalang-tao at nais ngang malaman ang kasarian ng kanyang magiging anak sa pamamagitan ng iba’t ibang mga pakulo.
Ganito rin ang naging pamamaraan ng mag-asawang Jennylyn Mercado at Dennis Trillo sa pagsisiwalat sa publiko kung ano nga ba ang gender ng kanilang malapit ng isilang na baby. Kamakailan nga lamang ay iniupload ng bagong kasal ang isang video sa kanilang YouTube channel, kung saan dito na nga nila isiniwalat ang gender ng magiging baby nila.
Iba’ t ibang mga pakulo ang maaring gawin sa pagsisiwalat ng gender ng isang baby, mayroon na pagputok ng balloon kung saan lalabas ang confetti na blue o pink, pag pink ang confetti ibig sabihin ay baby girl at kapag naman blue ay baby boy ang ibig sabihin at iba’t iba pa ngang mga pakulo na maaring gawin para mai-reveal ang gender ng isang sanggol sa sinapupunan.
Ngunit ang mag-asawang Jennylyn at Dennis, ay isiniwalat ang gender ng baby nila sa pamamagitan ng gender reveal cake, kung saan habang hinihiwa nga nila ang cake na ito, ay hindi magkamayaw ang excitement ng kanilang mga panauhin. Hanggang sa lumitaw na nga ang kulay pink na chiffon cake, na ang ibig ngang sabihin ay isang baby girl ang magiging unang anak ng mag-asawa.
Matatandaan na buwan ng Oktubre noong nakaraang taon ng ibahagi ng mag-asawa na sila ay malapit ng magkaroon ng anak. Ikinuwento rin nila na hindi nila inaasahan ang pagbubuntis na ito ng Kapuso actress sa naturalna pamamaraan, sapagkat matagal tagal na din nga nilang sinusubukan.
Ayon pa kay Jennylyn at Dennis, bago pa nga nila malaman na nagdadalang-tao na si Jennylyn, ay nagtungo pa sila sa ibang bansa dahil sa plano nilang ‘surrogacy’ sa kagustuhan na nga nilang magkaroon ng anak.
Marami naman sa mga tagahanga nilang dalawa ang labis na nasiyahan ng ibalita nila ang ‘good news’ na ito. At ilang buwan nga lamang matapos ang pagsasapubliko ni Jennylyn ng pagbubuntis niya ay nagbahagi naman siya kamakailan lamang ng kanyang mga larawan kung saan ay masisilayan nga ang lumalaki na niyang baby bump.
Sa mga larawan nga na ibinabahagi ng Kapuso actress ay makikita na ang kanyang baby bump na malaki na, at sa kabila nga ng kanyang pagbubuntis na ito, ay marami naman ang nakapansin na mas lalo pa ngang nagiging blooming si Jennylyn ngayon na siya ay buntis.
Makikita rin sa ilang mga larawan ng mag-asawa ang bakas ng kaligayahan dahil sa nararamdaman nilang excitement habang palapit nga ng palapit ang pagsilang ng kanilang baby girl.
Source: Famous Trends
0 (mga) komento:
Mag-post ng isang Komento