Kung ang pag-uusapan ay ang pagiging wais at madiskarte, ay isa nga ang misis ni Chito Miranda na si Neri Naig sa talaga namang hinahangaan ng maraming netizens. Dahil nga sa pagiging madiskarte ni Neri, hanggang ngayon ay patuloy niyang tinatamasa at ng kanyang pamilya ang isang masaganang buhay, at patuloy na nakapapagpundar ng mga ari-arian na matagal na panahon nilang mapakikinabangan.
Hindi nga lingid sa kaalaman ng marami sa atin na maliban sa pagiging isang kilalang personalidad sa showbiz, ay isa ring masipag at madiskarteng online seller si Neri, at dahil sa kanyang sipag, tiyaga, at pagiging masinop sa perang kanyang kinikita ay matatandaan pa ngang nakabili siya ng lupain na may sukat na 6000 sqm.
Dahil nga sa pagiging madiskarte ni Neri, ay tunay na inspirasyon siya sa marami, lalo na sa mga misis na tulad niya. At nito lamang ngang nakaraan ay muli niyang pinabilib ang maraming mga netizens, matapos niyang ibahagi ang pinakabagong ari-arian na kanyang binili para sa kanyang mister na si Chito.
Sa kanyan Instagram post ay ibinahagi ng dating aktres ang napakaganda at bonggang sorpresa na handog niya para sa kanyang mister, kung saan ito nga ay isang yate, na ayon kay Neri ay mayroon itong living at sleeping area. Mayroon din nga umano itong banyo, kaya naman talagang napakaganda nito.
“May maliit na kaming yate. Parang pinalaking speedboat lang, pero may bedroom, mini sala at banyo”, ang naging pahayag ni Neri sa kanyang caption.
Dagdag na pahayag pa niya, “Tamang tambay lang sa dagat with our family and friends. Maganda ring mag-fishing kasu mahilig kami mag-fishing!!!”
Ibinahagi rin ni Neri, na ang yate nilang ito ay plano rin nilang parentahan, ito ay para masulit rin nga nila ang perang ipinuhunan nila sa pagbili nito. Ayon naman kay Neri, sa sunod ay plano niya din ang bumili ng jet ski, ngunit ito nga ay pag-iipunan muna niya.
“Wala pa kaming jet ski, pero plano ko na ring pag-ipunan. Next time muna, sagad na bulsa ko”, ang naging saad pa nga ni Neri.
Ang mag-asawang Neri at Chito ay may iba pa ngang ari-arian maliban sa kanilang lupain, kabilang na rito ang kanilang conod na nasa tabi ng isang beach, kung saan ito nga ay kanila ring pinauupahan.
Kamakailan lang din ay masayang ibinahagi ni Neri ang pagbili niya ng sariling condo ng 5-taong gulang niyang anak na si Miggy, na magiging isa rin nga sa source of income ng anak niya habang bata pa dahil plano din niyang paupahan ang naturang condo kapag ito nga ay natapos na niyang ipaayos. Tunay ngang napaka-wais ni Neri.
Source: Famous Trends
0 (mga) komento:
Mag-post ng isang Komento