Magmula ng itanghal bilang Pinoy Big Brother Big Winner ng Teen Edition si Kim Chiu ay dito na nga siya nagsimulang mahalin ng maraming madlang pipol. Sa pagkapanalo din niya sa nasabing reality show ang naging daan upang magbukas ang napakaraming pinto ng oportunidad para sa kanya na siyang dahilan para tamasain niya ang magandang buhay niya ngayon na puno nga ng umaapaw na biyaya.
Batid naman ng publiko, na si Kim ang isa sa mga pinakasikat na aktres ng kanyang henerasyon, at ngayon ay isa na rin siya sa mga host ng popular na noontime show ng Kapamilya network na “It’s Showtime.” Talaga namang umaapaw ang biyaya sa buhay ng aktres, dahil maliban sa magandang takbo ng kanyang career, ay mayroon din siyang masaya at makulay na buhay pag-ibig.
Ngunit maliban pa sa mga ito, ay tila nga hindi pa natatapos dito ang lahat ng biyaya na sa kanya ay ipinagkaloob, sapagkat nito lamang nakaraan sa latest vlog ni Kim ay masaya nga niyang ibinahagi sa lahat ng kanyang tagahanga at tagasubaybay ang pinaka-latest na blessing na natanggap niya sa kanyang buhay noong ngang nakaraang taon.
Sa ibinahaging vlog ni Kim sa kanyang YouTube channel noong taong 2021 ay inihayag nga niya kung gaao siya ka-blessed, ito ay dahil nga maliban sa kanyang latest project ay naging isa rin siyang ambassador ng isang international clothing brand at isang online shopping company.
Ipinagdiwang din ng Kapamilya actress noong nakaraang taon ang unang taong anibersaryo niya bilang host ng It’s Showtime, kaya naman talaga puno ng pagpapala para sa kanya ang taong 2021. Ngunit ang talaga ng ipinagpapasalamat ni Kim sa lahat ng biyaya na natanggap niya noong nakaraang taon ay ang naipundar niyang bagong property na ipinasilip nga niya sa kanyang latest vlog.
Video Credit: YouTUbe
Proud ngang ipinakita ni Kim sa kanyang mga tagasubaybay at tagahanga ang newly acquired house and lot. Napakaganda at tunay nga na nakakarelaks ang bagong property na ito ng Kapamilya actress, dahil maliban sa malaki at magarbong bahay ay mayroon itong swimming pool, veranda, at malaking espasyo para sa garden at parking area.
Ayon nga kay Kim ang napakagandang blessings niya na ito na noon pa man nga ay pangarap na niyang magkaroon ay natanggap niya bago magtapos ang taong 2021, kaya labis talaga ang kanyang kasiyahan.
Aminado naman ang Kapamilya actress na hindi puro maganda ang nangyari sa kanyang noong nakaraang taon, dahil maliban sa biyaya na kanyang natanggap ay dumaan din siya sa maraming pagsubok, kagaya na lamang nga ng madalas siyang ma-bash noon dahil sa mga pagkakamali niya kapag siya ay nagho-host sa programa ng Its Showtime. Bukod pa sa mga bashers ay nagkaroon din ng karamdaman si Kim noong nakaraang taon.
Kahit naman naging malaking hamon para kay Kim lahat ng mga pagsubok na kanyang kinaharap ay malaki pa rin ang pasasalamat niya dahil nagawa niyang lagpasan ang mga ito. Saad pa niya, hindi niya makakalimutan ang lahat ng aral na kanyang natutunan sa buhay noong taong 2021.
Si Kim ay isa mga personalidad sa showbiz ngayon na tunay namang inspirasyon ang hatid sa marami, lalo na nga pagdating sa pag-abot ng pangarap at tagumpay.
Source: Famous Trends
0 (mga) komento:
Mag-post ng isang Komento